सराङ्गकोट टपका अवैध संरचना बिरुद्ध नागरिक आन्दोलन, सयोंजकमा धन वहादुर थापा

हेरालो खबर,
९ पौष, पोखरा ।

स्वदेश तथा बिदेशमा प्रख्यात पर्यटकिय गन्तब्य सराङ्गकोट टाकुरामा स्थानिय समुदाय हित साथै प्रचलित कानुन बिपरित निमार्ण गर्न लागिएको गणेशमुर्ती निमार्णका बिरुद्धका नागरिक समाजले आन्दोलनको घोषणा गरेका छन् ।
शनिवार सराङ्गकोट स्थित बिन्दबासीनीमा आयोजना गरिएको सराङ्गकोट जन्म थलो भई प्राध्यापन, वकालत, इन्जिनियरिङ्ग, समाजशास्त्र, चिकित्सा, पर्यटन, शैक्षिक तथा सामाजिक क्षेत्रमा आवद्ध सामाजिक अगुवाहरुले आयोजना गरेको भेलाले धन बहादुर थापाको सयोंजकत्वमा “सराङ्गकोट संरक्षण तथा बिकास अभियान सरोकार समिति”े सराङ्गकोट तदर्थ समिति निमार्ण गरेको छ । थापा सराङ्गकोट जन्म थलो भई पोखराको शैक्षिक क्षेत्रका सफल ब्यक्तित्व हुन् ।
तदर्थ समितिमा सराङ्गकोटमा एक घर एक धारा निमार्ण अभियान्ता टिकाराम तिमिल्सिना, उत्पिडित तथा स्थानिय प्रतिनिधित्व गर्दै लक्षमण परियार, युवा शैक्षिक ब्यक्तित्व सुर्य वहादुर थापा, अग्रज पर्यटन अभियान्ता पोष्टराज चपाई, पुर्व वडा सदस्य द्धय हरि लम्साल र भोजकुमारी थापा, सामाजिक क्षेत्रबाट अन्नपुर्ण सामादायिक बिकास मञ्चका अध्यक्ष महेशकुमार तिमिल्सिना, सराङ्गकोट टपको पुरात्वतिक अध्येता प्रदिप ढकाल, कृषि पर्यटन अभियान्ता आविष्कार थापा, अग्रज बल बहादुर थापा सदस्य गरी ११ सदस्य रहेका छन् भने पत्रकार बलराम तिमिल्सिनालाई प्रेस सल्लाहाकार तथा अधिवक्ता बलराम तिमिल्सिनालाई कानुनी सल्लाहकारको जिम्मेवारी दिएको छ ।
कार्यक्रममा सयोंकज थापाले एकै ठाउँमा उभिएर १५ भन्दा बढी हिमालको दृश्य, ३६० कोणबाटै शहर, नदी, पहाड तथा बस्तीहरुको दृश्य देख्न सकिने सराङ्गकोट संसारको एक मात्र टापु रहे पनी सराङ्गकोटको अहिलेको अवस्था देख्दा आफु चिन्तित भएर यो अभियानको सुरुवात गरेको बिचार ब्यक्त गरेको थिए ।
थापाको अध्यक्षतामा भएको भेलामा बरिष्ठ अभिवक्ता हरी सुबेदी, मानवशास्त्री रुद्र तिमिल्सिना, अधिबक्ता बलराम तिमिल्सिना, राजनितिक अगुवा राजु शर्मा तिमिल्सिना, पुर्व जनप्रतिनिधी हरी लम्साल, भोजकुमारी थापा, स्थानिय अगुवाहरु गंगाधर तिमिल्सिना, पुर्णाखर तिमिल्सिना, युवा उद्यमी नारायण पाहारी, महेश कुमार तिमिल्सिना, शिव व। थापा, शिक्षक यम ब। थापा, चुणामणी तिमिल्सिना, पत्रकार बलराम तिमिल्सिना, अग्रज भरत बहादुर थापा, कृष्ण व कार्की लगायतले सुझाव ब्यक्त गरेका थिए ।
छलफलमा सुझाव दिने अधिकाशं सहभागीहरुले, स्थानिय समुदायको र हित बेवास्था गरिएको, सराङ्गकोट टपको पर्यटकिय बिकासको मोडेलको बारेमा सरोकारवाला बिच कहिल्यै छलफल नभएको, धार्मिक क्षेत्र बिकास समितिका आर्थिक गतिबिधी र निर्णय प्रकृया पारदर्शि नरहेको, स्थानिय समुदायलाई जानाकारी समेत नहुने गरी अनावश्यक भ्यु टावर खडा गरीएको, पहिलो शाह बशंका राजा कुलमण्डल शाहसगँ जोडिएको एैतिहाशिक महत्व, भुमे काली, चण्डी काली र त्यहाँका काल भैरव धार्मिक महत्वलाई नष्ट गरिएको, भौगोलिक हिसाबले शिरमा बली चल्ले काली र तल बली नचल्ले गणेश तथा शिव मुर्ती निर्माण गर्दा हिन्दु धर्मको बिधी शास्त्र भन्दा बढी धर्मका आधारमा ब्यपार गर्ने नियत राखिएको, स्थानिय परियार समुदाय र उनीहरुको कटुवाल प्रथालाई बिस्थापन गरिएको, वली पुजाको परम्परालाई नष्ट गरिएको जस्ता बिषयहरु उठ्ठान गरेका थिए ।

साथै हिजो अग्रज राजनितिक पुस्ताको बिवेक संघर्षले जोगाएको ५६ रोपनी जग्गा नयाँ ब्यवस्था आए पछी कहिले राजनितिक सयन्त्रंले त कहिले स्थानिय निकाय स्वार्थ अनुकुल बिक्री बितरण गनु नै समस्यको जड रहेको धारणा समेत ब्यक्त भएको थियो । छलफलमा सहभागी धेरै सहभागीले यो अभियान सराङ्गकोट टप र त्यस क्षेत्रका ५६ रोपनी मात्रै नभई सराङ्गकोट सबै टोलमा रहेको हजारौ रोपनी सार्वजनिक जमिन र सम्पादहरुको ब्यवस्थित अभिलेख तयार पार्नु पर्ने सुझाव राखेका थिए ।
छलफल लगतै समितिले सराङ्गकोट टपको स्थलगत अध्ययन गरेको छ । साथै छिट्टै आयोजना स्थलमा नै सार्वजानिक सुनुवाई गर्ने, स्थानिय सरकारलाई ध्यानाकर्षण गराउने साथै कानुनी रुपमा अदालतमा पुरात्वतिक महत्वको बस्तु नष्ट गरेको तथा सार्वजानिक जमिन दुरुउपभोग गरेको बिषयमा रिट दायर गर्ने गरी योजना बनाइएको तदर्थ समितिका सदस्य टिकाराम तिमिल्सिनाले जानाकारी दिए ।

अन्य समाचार

 सबै

राष्ट्रिय औद्योगिक व्यापार मेलाको तयारी तीव्र ।

पोखरा बहुमुखीको कार्यक्रममा ३९ जनाले रक्तदान ।

शिवजी मेलामा वडास्तरिय पुरुष भलिबल हुने