Heralo Reporter
पोखरा , हेरालाे खबर
काठमाडौँबाट लमजुङ आउँदै गरेको हायलक्स गाडी नुवाकोटमा दुर्घटना हुँदा चालकको मृत्यु भएको छ । सो दुर्घटनामा अर्का एक जना गम्भीर घाइते भएका छन् ।
दुर्घटनाग्रस्त गाडी हाइड्रोपावर कम्पनीको भएको बताइएको छ । बा१४च ३८५५ नम्बरको गाडी आज बिहान टोखा-छहरे सडक खण्डबाट करिब पाँच सय मिटर तल खसेको बताइएको छ ।
घाइतेलाई उद्धार गरी अस्पताल पुर्याइएको प्रहरीले जनाएको छ । गाडीमा ६ जना यात्रु रहेको बताइन्छ । थप विवरण आउन बाँकी छ ।
नागढुंगातर्फको बाटोमा घण्टौँ जाम हुने र जोखिमपूर्ण पनि भएको भन्दै धेरै सवारी चालकले नुवाकोटको बाटो प्रयोग गर्ने गरेका छन् ।
सोही बाटो भएर आउनेक्रममा केही दिन अघि पोखरा आउँदै गरेको गाडी पनि दुर्घटना भएको थियो ।
Heralo Reporter
प्रतिक्रिया