पोखराको शान्तिस्तूपा नजिकै बस दुर्घटना, दुई जना घाइते

पोखरा , हेरालाे खबर

पोखराको शान्तिस्तूपा नजिकै आज दिउँसो बस दुर्घटना भएको छ ।

दुर्घटनामा दुई जना घाइते भएका छन् । घाइते हुनेमा दाङ तुल्सीपुर उपमहानगरपालिका वडा नं ४ की १७ बर्षीया सन्ध्या रसाइली र १९ वर्षीया मनिषा रसाइली रहेका छन् ।

उनीहरुको विरौटास्थित नमस्ते अस्पतालमा उपचार भइरहेको छ ।

नवयुग डान्स क्लब दाङबाट २४ जनाको भ्रमण टोली लिएर पोखरा आएको रा१ख २१०६ नं.को बस शान्तिस्तूपा नजिकै दुर्घटनामा परेको हो ।

जिल्ला प्रहरी कार्यालय कास्कीका अनुसार पुम्दीकोटको भ्रमण गरेर फर्किँदै गर्दा सो दुर्घटना भएको हो ।

बस तिदुको रुखमा अड्किएको थियो । बस रुखमा अड्किएकाले ठूलो क्षति हुनबाट जोगिएको प्रहरीको भनाइ छ ।

वडा प्रहरी कार्यालयबाट खटिएको टोलीले घाइतेको उद्धार गरेको हो ।