सलाहको २ गोलमा लिभरपुलको रोमाञ्चक जित

हेरालाे खबर

एजेन्सी – इङ्ग्लिस प्रिमियर लिगमा फरवार्ड मोहम्मद सलाहको दुई गोलमा शीर्षस्थानको लिभरपुलले रोमाञ्चक जित हासिल गरेको छ ।

लिभरपुलले आइतवार साउथह्याम्प्टनमाथि ३-२ गोलको रोमाञ्चक जित हासिल गरेको हो । साउथह्याम्प्टनको घरेलु मैदानमा भएको खेलमा लिभरपुललाई जित दिलाउन मोहम्मद सलाहले २ तथा डोमिनिकले एक गोल गरे । घरेलु टोलीका लागि एडम आर्मस्ट्रङ र माटियुस फर्नान्डेसले गरेको गोल गरे ।

डोमिनिकको गोलमा ३०औं मिनेटमा लिभरपुलले सुरुवाती अग्रता बनाएको थियो । ४२औं मिनेटमा घरेलु टोलीका एडमले बराबरी गोल फर्काए । साउथह्याम्प्टनका लागि ५६औं मिनेटमा फर्नान्डेसले गोल गर्दै टोलीलाई २-१ को अवस्थामा पुर्याए ।

लिभरपुलका लागि ६५औंमा बराबरी गोल गरे ।८३औं मिनेटमा सलाहले निर्माणयक गोल गर्दै टोलीलाई३ अंक दिलाएका थिए ।

जितसँगै लिभरपुलले शीर्ष स्थानमा ८ अंकको अग्रता बनाएको छ । १२ खेलबाट लिभरपुलको ३१ छ । समान खेलबाट २३ अंक रहेको म्यानचेस्टर सिटी दोस्रो तथा २२ अंक रहेको चेल्सी तेस्रो स्थानमा छ । साउथह्याम्प्टन १२ खेलबाट ४ अंक सहित तालिकाको पुछारमा छ ।