आज २१औँ निजामति सेवा दिवस मनाइँदै

पोखरा , हेरालाे खबर

आज २१औं निजामति सेवा दिवस निजामति कर्मचारीले कार्यक्रम गरी मनाउँदैछन् ।

‘सेवामैत्री प्रशासन, सङ्घीयतामा सुशासन’ भन्ने मूल नाराका साथ आज दिवस मनाउन लागिएको हो । दिवसको अवसरमा बिहान प्रभातफेरीको आयेजना गरिएको छ ।

नेपालमा निजामति सेवा गठन भएको ६० वर्ष पूरा भए पनि २०६२ साल भदौ २२ गतेबाट मात्र औपचारिक रूपमा यो दिवस मनाउन थालिएको हो ।

विक्रम सम्वत् २०१३ साल भदौ २२ गते तत्कालीन प्रधानमन्त्री टंकप्रसाद आचार्यले निजामती सेवा ऐन ल्याएको दिन पारेर हरेक वर्ष निजामति दिवस मनाउन थालिएको हो । अहिले नेपालमा करिब ८३ हजार निजामती कर्मचारी कार्यरत छन् ।