चौबिसौँ आहा ! रारा पोखरा गोल्डकप माघ २२ देखि फागुन ३ गतेसम्म

पोखरा , हेरालाे खबर

चौबिसौँ आहा ! रारा पोखरा गोल्डकप फुटबल प्रतियोगिता आगामी माघ २२ देखि फागुन ३ गतेसम्म हुने भएको छ ।

समय तालिकाका लागि सहारा क्लबको आग्रहमा कास्की जिल्ला फुटबल संघले अखिल नेपाल फुटबल संघलाई सिफारिस गरेकोमा सो मिति उपलब्ध भएको हो ।

क्लबले पोखरामा सूर्यबहादुर केसी स्मृति सहारा फुटबल एकेडेमी सञ्चालन गरेको छ । हाल चौथो ब्याजको रुपमा एकेडेमीमा ३० जना बालक छन् ।

सहाराले फुटबल प्रतियोगिताबाट हुने आम्दानी एकेडेमीमा बालकहरुको उचित शिक्षा, दीक्षा, आवास र दैनिक फुटबल प्रशिक्षणमा क्लबले खर्च गर्दै छ । तेइसौँ संस्कारणबाट भने सहाराले नोक्सान बेहोरेको थियो ।