Heralo Reporter
पर्वत , हेरालाे खबर
पर्वतको कुश्मा नगरपालिका वडा नं ४ जिरो किमीका ७६ वर्षीय पदमबहादुर विक मृत फेला परेका छन् ।
उनी मोदी गाउँपालिका-३ देउरालीको घैटे जङ्गलमा आज बिहान मृत अवस्थामा भेटिएका हुन् । उनी बाह्र दिनदेखि बेपत्ता थिए ।
विक गत मङ्सिर ८ गते दिउँसो १ बजेदेखि सम्पर्कविहीन भएका थिए ।
मोदी-१ ताङ्लेमा रहेका आफन्तको घरबाट कुश्मास्थित घर जान्छु भन्दै हिँडेका उनी एकाएक सम्पर्कविहीन बनेका थिए ।
परिवारजन, आफन्त र प्रहरीले सोही दिनदेखि खोजतलास गरे पनि विक भेटिएका थिएनन् ।
मृतक वृद्धको शव परीक्षणका लागि जिल्ला अस्पताल पर्वतमा राखिएको जिल्ला प्रहरी कार्यालय पर्वतका प्रहरी निरीक्षक रामप्रसाद सापकोटाले जानकारी दिए । घटनाको थप अनुसन्धान भइरहेको उनले बताए ।
Heralo Reporter
प्रतिक्रिया