लोक आदर्श विजयी

 काठमाडौं ,  हेरालाे खबर

 दोस्रो एनएपिएफएस अन्तर स्कुल आइजी रनिङ ट्रफी फुटबल प्रतियोगितामा मंगलवार लोक आर्दश एकेडेमी विजयी भएको छ।

लोक आर्दशले चन्द्रागिरीको न्यु होराइजन एकेडेमी १०-१ ले हराएको थियो। लोक आदर्शका तर्फबाट शिव थापाले ६ आरध्य चौधरीले २, धन बहादुर साउद र रोसन खपाङगीले समान १ गोल गरे। ६ गोल गरेका शिव प्लेयर अफ दि म्याच घोषित भए।

अर्को खेलमा लेबोरेटरी मावि कीर्तिपुरबाट ग्रिन भिलेज सेकेण्डरी स्कुल कीर्तिपुरले वाक ओभर पाएको थियो । प्रतियोगितामा बुधवार पुष्पसदन स्कुल र राई स्कुल तथा
राराहिल मेमोरियल स्कुल र ग्रिन भिलेज एजुकेशन फाउण्डेशनबिच प्रतिस्पर्धा हुनेछ।