Heralo Reporter
तनहुँ हेरालाे खबर
तनहुँको आँबुखैरेनी अस्पतालमा आकस्मिक रक्तसञ्चार केन्द्र स्थापना भएको छ ।
अस्पतालमा उपचारको समयमा रगतको अभाव नहोस् भन्ने उद्देश्यले आकस्मिक रक्त सञ्चार केन्द्र स्थापना गरिएको हो ।
आँबुखैरेनी गाउँपालिका अध्यक्ष शुक्र चुमानले आकस्मिक रक्तसञ्चार केन्द्र शुभारम्भ गरे ।
सो अवसरमा अध्यक्ष चुमानले रक्तसञ्चार स्थापना भएसँगै रगत आवश्यक पर्ने बिरामीलाई यहीँबाट रगत उपलब्ध हुने बताए ।
अबका दिनमा यस क्षेत्र वरपर दुर्घटनाका घटना धेरै हुने गरेकाले त्यस्ता बिरामीको उपचारका लागि आवश्यक पर्ने रगत तत्काल प्रदान गर्न सकिने उनले बताए ।
गाउँपालिकाकी उपाध्यक्ष दुर्गा अर्याल, प्रमुख प्रशासकीय अधिकृत विष्णुप्रसाद शर्मा, गाउँपालिका प्रवक्ता एवं वडा नं. १ का वडाअध्यक्ष प्रेम तमुलगायत सहभागी थिए ।
Heralo Reporter
प्रतिक्रिया