काभा क्लब च्याम्पियनसिप – पुलिस र डाइमेडसँग खेल्दै

 हेरालाे खबर

एजेन्सी –   नेपाल पुलिस क्लब माल्दिभ्समा जारी काभा महिला भलिबल क्लब च्याम्पियनसिपमा तेस्रो खेल आज खेल्दै छ ।

पुलिसले तेस्रो खेलमा ताजकिस्तानको डाइमेड भलिबल क्लबसँग खेल्दैछ । माल्दिभ्सको मालेमा हुने खेल नेपाली समय अनुसार दिउँसो २ः१५ बजे सुरु हुनेछ।

पुलिसले पहिलो खेलमा उज्वेकिस्तानको हुमो क्लब र दोस्रो खेलमा श्रीलंकाको श्रीलंकन एयर फोर्सलाई समान ३-० को सेटमा नै पराजित गरेको थियो ।

नेपालको लिगको विजेताका रुपमा पुलिसले क्लब च्याम्पियनसिपमा भाग लिएको हो । लिगको चौथो तथा समूह चरणको अन्तिम खेलमा पुलिसले बिहीवार माल्दिभ्सको क्लबसँग खेल्नेछ ।

पुलिसको भलिबल टोली

कमला पुन‌ (कप्तान), उषा भण्डारी, पुनम चन्द, कामना विष्ट, शान्तिकला तामाङ, मनिषा चौधरी, सरस्वती चौधरी, निरुता ठगुन्ना, सुमित्रा रेग्मी, कोपिला राना, सरस्वती कटेल, लक्ष्मी चन्द
प्रशिक्षक – रुपेश विष्ट (मुख्य), सुशिला थापा (सहायक)