Heralo Reporter
पोखरा , हेरालाे खबर
चौध वर्षकी बालिकालाई जबरजस्ती करणी गरेको आरोपमा स्याङ्जा प्रहरीले एक युवकलाई पक्राउ गरेको छ ।
पक्राउ पर्नेमा स्याङ्जा अर्जुनचौपारी गाउँपालिका वडा नं. २ का २८ वर्षीय सूर्य परियार छन् ।
स्याङ्जा प्रहरीका सूचना अधिकारी प्रहरी निरीक्षक उमेशलाल श्रेष्ठका अनुसार परियारले बालिकालाई डर, त्रास र धम्की देखाएर जबरजस्ती करणी गरेको भन्ने पीडित पक्षको जाहेरीका आधारमा यही कात्तिक ७ गते उनलाइ पक्राउ गरिएको हो ।
परियारविरुद्ध अदालतमा जबरजस्ती करणी मुद्धा दर्ता एवं म्याद थप गरी अनुसन्धान प्रक्रिया अघि बढाइएको प्रहरी निरीक्षक श्रेष्ठले जानकारी दिए ।
Heralo Reporter
प्रतिक्रिया