एनपीएलमा पोखराको जीत, प्लेअपको सम्भावना कायमै

पोखरा , हेरालाे खबर

नेपाल प्रिमियर लिग (एनपीएल) को प्लेअफमा रहनका लागि निर्क महत्वपूर्ण मानिएको खेलमा पोखरा एभेञ्जर्सले जित हासिल गरेको छ ।

आज भएको पहिलो सुपर ओभरमा पोखरा एभेन्जर्सले विराटनगर किंग्सलाई पराजित गरेको हो ।

२०औँ खेलमा जितका लागि १९ रन पछ्याएको विराटनगरले ५ रन मात्र बनायो । पोखराका लागि बलिङ गर्न आएका रेमन राइफर खेलमा नायक बने ।

यसअघि, सुपर ओभरमा विराटनगरका लागि कप्तान सन्दीप लामिछाने पहिले बलिङ गर्न आएका थिए ।

उनको पहिलो दुई बलमा पोखराका रेमन राइफरले दुई छक्का प्रहार गरे भने चौथो बलमा चौका हिर्काएका थिए । पोखराले सुपर ओभरमा १८ रन जोडेको थियो ।

यसअघि निर्धारित ओभरको खेल बराबरीमा टुंगिएको थियो । एक सय ४० लक्ष्य पछ्याएको पोखराले निर्धारित २० ओभरमा ६ विकेटको क्षतिमा १ सय ३९ रन बनायो ।

यो जीतसँगै पोखराले पाँच खेलमा दुई खेल जित्न सफल भएको छ । पोखराले यसअघिको खेलमा लुम्विनीलाई १० विकेटले हराएको थियो ।

पोखरा जनकपुरसँग ७, चितवनसँग ८७ रन तथा कर्णालीसँग ७ विकेटले पराजित भएको थियो ।