पाञ्चायन महिला बचत तथा ऋण सहकारी संस्थाले विभिन्न कार्यक्रम गरि तीज मनाए

हेरालो खबर

संस्थाले भक्तपुरमा एक कार्यक्रम गरि रमाइलो गरि तीज मनाएको हो । कार्यक्रममा कविता र गीत प्रतियोगिता लगायतका कार्यक्रम गरि मनाएका हुन ।

हरे वर्ष तीज कार्यक्रम गरि मनाउँदै आएका यस संस्थाले यस वर्ष पनि संस्थामा रहेका माहिला दिदी बहिनी एक ठाउँमा जम्मा भएर एक अपसामा शुभकामना आदान प्रदान गरि मनाए । अगामी वर्ष थप सशक्त रुपमा मनाउँदै लैजाने संस्थाको अध्यक्षले जनकारी दिए ।

हरितालिकाको लोक प्रसिद्ध नाम तीज हो। हरितालिका तीज विशेष गरी नारीहरूले मनाउने सनातन पर्व हो। धार्मिक रूपमा तीज अन्तर्गत उमा महेश्वरको पूजा गरी निराहार व्रत बस्ने र भोलिपल्ट व्रतको पारण गरेर भोजन गर्ने सम्मका कृत्यहरू पर्दछन्। तीजमा निराहार व्रत बसी पार्वतीसहित भगवान् शिवको पूजा–आराधना गर्ने विधान छ। यसका साथै हरितालिका तीजमा दरका रूपमा विशेष खानपान, नाचगान र मनोरञ्जन गरि मनाउने गर्दछ ।

 हरितालिका तीज भाद्र महिनाको शुक्ल पक्षको तृतीयालाई हरि तालिका भनिन्छ । ‘हरित’को अर्थ हरण गरिएको र ‘आलिका’को अर्थ साथी हुन्छ। पौराणिक प्रसङ्गअनुसार भाद्र शुक्ल तृतीयाको दिन पर्वतराज हिमालयकी सुपुत्री पार्वतीलाई विष्णुसँग निश्चय गरिएको विवाहबाट जोगाउन उनका सखीहरूले हरण गरेर लुकाएका कारण यस दिनलाई हरि तालिका भनिएको हो।