रियलको तेस्रो जित

हेरालाे खबर

एजेन्सी – स्पेनिस ला लिगामा रियल मड्रिडले आफ्नो अपराजित यात्रा कायम राखेको छ । रियलले शनिवार रियल सोडिडाडलाई २-० ले हराएको हो।

रियलले ५ खेल खेल्दा ३ मा जित र २ मा बराबरी गरेको छ । रियललाई जित दिलाउँन भिनिसियस जुनियर र केलियन एमबाप्पेले गोल गरे । दुवै गोल पेनाल्टीबाट भएको थियो ।

जुनियरले ५८औं र एमबाप्पेले ७५ औं‌ मिनेटमा पेनाल्टि गोल गरेका हुन्। रियल ५ खेलबाट ११ अंक जोड्दै दोस्रो स्थानमा छ ।

घरेलु मैदानमा पराजित सोडिडाड भने समान खेलबाट ४ अंकका साथ १६औं स्थानमा रहेको छ । ४ खेलमा ४ जितका साथ बार्सिलोना शीर्ष स्थानमा छ ।

शनिवार भएको अर्को खेलमा सेभिल्लाले गेटाफेलाई १-० ले पराजित गरेको छ । ला लिगामा आइवार ३ खेल हुनेछन्।