एनएमबि लघुवित्तकाे धुन्चे शाखाले गर्यो कर्जा तथा बचत व्यवस्थापन सम्बन्धी अन्तरक्रिया कार्यक्रम

पोखरा , हेरालाे खबर , पौष १२, एनएमबी लघुबित्त बित्तीय संस्था लि. को शाखा कार्यालय धुन्चे रसुवाले जिल्लाको गाेसाइँकुण्ड गाँउपालिका वडा नं. ६,रसुवामा सदस्यहरू बिचमा पौष १२ गते शुक्रवार अन्तरक्रिया तथा बित्तिय साक्षरता कार्यक्रमको गरेको छ ।

सम्पती तथा बचतमा हुने जोखीमलाई न्यूनिकरण गर्ने उद्देश्यले सञ्चालन गरेको कार्यक्रममा कर्जाको व्यवस्थापन, बचतको व्यवस्थापन, बचत व्यवस्थापन गर्दा हुने फाईदाहरु, डिजिटल बैंकिङ, भुक्तानी, संस्थाको एमपासबुक, एसएमएस सेवा, यसको प्रयोग र यसका फाईदा लगायतका विषयमा एनएमबी लघुबित्त बित्तीय संस्था लि. शाखा कार्यालय धुन्चे रसुवाका शाखा प्रमुख शारदा पाण्डेले सहजीकरण गर्नुभएको थियो भने कार्यक्रमकाे ब्यवस्थापन कर्मचारीहरू राम प्रवेश राम र दावा छिरिङ तामाङले गर्नुभएकाे थियाे ।  लघुवित्तले यस अघि जिल्लाको धुन्चे, हाकुबेसी, स्याफ्रवेशी, नागुन लगाएतका स्थानमा अन्तरक्रिया कार्यक्रम सम्पन्न गरिसकेको छ ।

धुन्चेका पाँचसय बढि घरधुरीलाई सेवा दिदै आएको यस लघुवित्तको धुन्चे शाखाले जिल्लाको गाेसाइँकुण्ड गाँउपालिका र यसकाे वरपर कार्य क्षेत्र बनाएर कार्य गर्दै आएको छ । पोखरा महानगरपालिका वडा नं.८ न्यूरोड कास्कीमा केन्द्रीय कार्यालय रहेको यस लघुवित्तले ७ वटै प्रदेशमा ७ वटा प्रादेशिक कार्यालय स्थापनागरि ६८ जिल्लामा १४८ वटा शाखा विस्तार गरी करिब एक लाख विस हजार विपन्न घरपरिवारलाई लघुवित्तले सेवा प्रदान गदै आएको छ ।