तनहूँ दुर्घटना [अपडेट]: मृतक दुई जना आमाछोरा

तनहुँ , हेरालाे खबर

तनहुँको बेलभन्ज्याङमा बिहान भएको मोटरसाइकल दुर्घटनामा परी मृत्यु हुने आमा छोरा रहेको खुलेको छ ।

दमौलीबाट डुम्रेतर्फ गइरहेको गण्डकी प्रदेश ०३ ००१ प ०३१० नम्बरको मोटरसाइकल पृथ्वीराजमार्गअन्तर्गत डुम्रे दमौली सडकखण्डको बेलभन्ज्याङमा दुर्घटनामा परेको थियो ।

मृत्यु हुनेमा रिसिङ गाउँपालिका वडा नं. ६, चालिसे घर भई व्यास नगरपालिका ५ पाटन बस्ने वर्ष १९ का मोटरसाइकल चालक सन्दीप आले र मोटरसाइकल पछाडि सवार उनकी आमा वर्ष ४० कि मधुमाया आले रहेको प्रहरीले जानकारी दिएको छ ।

मोटरसाइकल दुईवटा साना पुलको बीचमा खस्न पुगेको थियो । चालकले नियन्त्रण गुमाउँदा बायाँ साइडतर्फ कल्भर्टमा ठोक्किएर दुर्घटनामा परेको प्रहरीको भनाई छ ।